Fin de Carreira Bioloxía 007

Cea Nadal

2008-12-04T09:37:00.000-08:00

Despois de tanto tempo a xente comenta que xa é hora de volver reunírmonos nunha cea... así que dito e feito!
Cea de Nadal o Xoves 18! En principio será no 16, no mesmo sitio que a primeira Recea, e cun menú e prezo semellante.
Precisaríamos confirmar a asistencia (por comentario neste blog, mail a bioloxia007@gmail.com ou aviso directo a David Villar) antes do luns 15.
Vémonos!

Segunda Recea

2008-07-02T14:16:00.000-07:00

A segunda recea terá lugar o día 4 de Xullo ás 22.15 aprox no restaurante "Las cien islas" (Praza de Vigo, esquina Rosalía de Castro). O importe serán 18€.
Para calquera problema ou dúbida avisar a David Villar.

Segunda Recea

2008-06-10T07:58:00.001-07:00

Debido ao éxito da recea que se fixo o mes pasado, á meirande parte da xente, incluíndo profesores, apetécelle repetila. Farase por tanto unha segunda recea de promoción o día 4 de xullo, cando rematan os últimos exames.

Como habería que reservar un lugar con boa capacidade, precisamos coñecer con antelación o número de asistentes. Para iso, mandade un mail a bioloxia007@gmail.com ou dicídello a David Villar, de ser posible antes do día 27 de Xuño.

Escolma de fotos

2008-06-10T07:57:00.000-07:00

A escolma coas fotos do acto e da cea que deu a xente está nun DVD na Reprografía da Facultade de Matemáticas. Se non, podedes darlle un DVD virxe a David Villar e vos fai unha copia.

Recea de Licenciatura

2008-05-13T01:34:00.000-07:00

O día 22 de Maio farase unha cea de Promoción.
Xa confirmou a asistencia Mora, que saíra escollido como primeira opción para Padriño, polo que se lle dará o orlín que temos para el.Hai outros profesores que tamén confirmaron que virían.
O sitio da cea non está decidido porque dependerá do número de persoas que se apunten, pero a idea é que sexa nun sitio normal das ceas de clase, co prezo normal dunha cea.
As listas para apuntarse están en Filosofía, e de ser posible habería que apuntarse (nas listas ou por mail) antes do luns 19 para poder reservar sitio.

Recollida de orla

2008-05-04T04:39:00.000-07:00

A orla e demais fotos poden ser recollidas en Tádel a partir do Martes 6 de Maio.
Os CD´s (só dan 10) pasaranse a distinta xente para que faga copias, asemade unha copia será deixada na fotocopiadora de Mate por se non dan chegado esas 10 copias a todos.
Por outra banda, lémbrase que están a recopilarse as fotos que fixemos coas nosas cámaras no acto para facer un DVD con todas. Pasádellas canto antes a algunha das seguintes persoas:

Jose Gil Corpas (Mariña)
Álex González García (Molecular)
Maite López Barreiro (Ambiental)
David Villar Docampo

Progamación do Acto

2008-04-03T03:23:00.000-07:00

O acto comezará á hora prevista, ás 5 da tarde, polo que hai que estar alí un ratiño antes, contra ás catro e media. É importante que levedes as entradas porque a xente da porta non nos coñece! (Se non as tendes aínda poñédevos en contacto coa organización).
Intentarase colocar á entrada da sala un plano da mesma, no que se indique onde nos corresponde sentarnos (A zona dianteira está reservada para profesores, nós ocuparemos as filas inmediatamente posteriores a elas e debemos colocarnos segundo o noso grupo, e o resto de aforo será para as familias, que se sentarán nesta zona segundo prefiran).
O acto comezará coa apertura pola presidenta da mesa, seguido do discurso e presentación de alumnos e o discurso do Padriño. A continuación será o momento no que nos chamarán para ir recoller os diplomas: subimos, dous bicos/mano, recollemos o que nos dean e o grupo se coloca xunto á orla para facer unha foto, báixase e chaman aos seguintes). Despois fala máis xente e acabará todo en hora e media aproximadamente.
Farannos unha foto de grupo a todos xuntos e iremos ao pincho, en Económicas. Alí volverán pedir as entradas. A cousa durará até as oito ou así.
Os buses veñen recollernos á Praza de Galicia ás 22:00 (intentouse que baixasen antes, pero por mor dunha voda que hai antes non poderíamos entrar). Cada un nese tempo pode ir coa familia ou facer o que lle apeteza, pero a idea de moitos é subir ao Franco e estarmos xuntos por alí.
Despois da cea, nos Robles, temos a barra libre. Para despois vannos dar o selo de Ruta (entrada gratuíta, non inclúe consumición), e cuñaríamos á xente no restaurante, antes de baixar cara alí.
E logo... pois até que a xente aguante!

Pago Auditorio e outros

2008-03-30T10:19:00.000-07:00

Os cartos de aluguer do Auditorio, regalo do Padriño, Flores, e outros gastos suman un total de 15.50€/persoa. Estes deben ingresarse até o Mércores 3 de Abril na conta de Caixa Galicia, a nome do Paso de Ecuador Bioloxía con número:

2091 0151 83 3000067312

Aqueles que xa pagaran a reserva anteriormente deberán ingresar unicamente 10.50€, claro. Prégase puntualidade no pago, pois deben pecharse todos os distintos pagos esta semana, e para iso precísase que haxa cartos na conta.

Pago dos pinchos

2008-03-21T05:09:00.000-07:00

Xa hai un prezo definitivo para os pinchos: son 8€/persoa, de tal xeito que quen non leve ningún invitado pagara 8€, o que leve 1 invitado 16€, 2 invitados 24€,...

O ingreso farase en Caixa Galicia, na conta

2091 0151 83 3000067312

que está a nome de "Paso Ecuador Bioloxía". No asunto poñede o voso nome e apelidos seguido de "Pinchos".

A data límite para o pago é o Venres 28 de Marzo.

Os resgardos de pago débenselle dar a David González Touceda para que os leve el ao restaurante, e nese momento entregaranse as invitacións para que os invitados podan entrar no Auditorio. Para facilitar isto convocarase unha reunión na semana anterior ao acto (o 31 de Marzo ou 1 de Abril).

Presentación das nosas imaxes

2008-03-12T05:15:00.000-07:00

Vaise realizar unha presentación con fotos da nosa traxectoria ao longo da carreira. Para ilo pídese a colaboración de todos, que podedes mandar unha foto á conta creada para ilo:

bioloxia2008@hotmail.com

A poder ser, e para que resulte menos monótona, que sexan fotos de excursións, prácticas, clases, nos pasillos, ceas de clase... e non doutras facetas da nosa vida estudiantil menos relacionadas coa facultade. Ademais da foto en si, pídese que incluades unha breve reseña indicando de que se trata (tipo: "saída de campo de ecoloxía en 3º", ou "á saída do exame de bioquímica en 2º").

A data límite de envío será o luns 24 de Marzo.

Moitas grazas a Jesús Martínez Menéndez e Borja Pérez Casteleiro polo seu traballo nisto!

Pago da Cea. Antes do día 23!!

2008-03-12T05:10:00.000-07:00

Para o pago da cea hai que ingresar antes do 23 de Marzo 52 € por persoa (lémbrase que podía levarse un acompañante) en:

Caixa Nova. Conta ao nome de Luis Sevilla.

2080 0180 9800 30000344

No asunto sinalade Nome, Apelidos e Cea Bioloxía. Os xustificantes de pago deberedes entregarllos a David Glez Touceda antes do día do acto

Reunión Martes 11

2008-03-05T09:08:00.000-08:00

Haberá unha nova reunión o Martes día 11 de Marzo para ultimar temas do acto de licenciatura. Pediuse aula para as 20:00 na Facultade de Bioloxía, a aula aínda está sen confirmar.

Número de invitados

2008-03-05T09:04:00.000-08:00

Falta aínda xente por confirmar o número de invitados que quere levar ao acto. Cómpre sabelo canto antes, pois até entón non nos darán un orzamento definitivo do cátering. Pregamos que a xente se apunte nas listas que hai en Bioloxía e Filosofía antes do Luns 10 de Marzo.

Se alguén non está apuntado, asignaránselle 5 prazas.

Se alguén ten un problema concreto pode poñerse en contacto a través do mail e explicalo.

Saída no Acto

2008-03-05T09:02:00.000-08:00

Xa se elaboraron os grupos de saída segundo o que apuntou a xente nas listas. Aqueles que non se apuntaran foron incluídos por orde de lista. Os grupos resultantes están expostos en Bioloxía e Filosofía para, na medida do posible, poder facer algunha corrección.

O prazo límite para solicitar estas corrección é o luns 10 de Marzo.

Repetición de fotos

2008-02-13T08:37:00.000-08:00

A data na que se poderán repetir as fotos da orla é o Martes 26 de Febreiro. É importante que non se vos pase, pois é o único día no que se poderán repetir.
Debedes apuntarvos en Tádel nas listas que teñen coas horas dispoñibles.

Listas en Bioloxía

2008-02-13T08:35:00.000-08:00

Como durante esta época Filosofía queda un pouco a contamán as listas das que se fala na anterior entrada foron postas tamén na columna habitual dos avisos no pasillo de Bioloxía. Lembrade que debedes apuntarvos ao logo do mes de Febreiro

Novas listas

2008-01-21T12:18:00.000-08:00

Deixaranse esta semana unhas listas en Filosofía para que apuntedes antes do 29 de Febreiro cantas das vosas prazas para o acto (5 invitados) ides cubrir. Tede en conta que o cátering se pagará tamén en función do número de xente que se leve.
Se precisades máis desas 5 prazas, enviade un correo electrónico á bioloxia007@gmail.com indicando cantas prazas quereríades, e para quen (para organizar as prioridades en caso de que non haxa abondo). A resposta a estas peticións se dará na primeira semana de Marzo.
Asemade, colgaranse outras listas, tamén en Filosofía, para que apuntedes os grupos de como queredes saír na entrega de diplomas do acto. Sairase de 7 en 7, polo que non fagades ningún grupo que exceda esta cifra. Asimesmo, na medida do posible, non fagades grupos de 6 para non ter que deixar a ninguén descolgado. Estas listas ficarán alí até a última semana de Febreiro.

Reunión 9 e 21 Xaneiro

2008-01-21T12:07:00.000-08:00

Nesta reunión decidíronse as seguintes cuestións:

- Elección do cátering (oferta 3: prezo aproximado 6.50+transporte/invitado)
- O idioma do discurso será o galego

Nas votacións sobre o menú elixiuse finalmente o nº2 (prezo 52€)

Urxente: Xa están listas as fotos da orla

2008-01-20T10:35:00.001-08:00

Lembramos que a partir do día 21 de Xaneiro, e durante a presente semana, xa se poden ir buscar e escoller as fotos da orla a Tadel. O luns debe levarse a escolla. A partir dese momento, e se alguén desexa repetilas, fixarase unha data para ilo.

Cambio de padriño

2008-01-14T08:31:00.000-08:00

O profesor Pepe Mora comunicou hoxe que non poderá asistir ao Acto de Licenciatura, por mor dun traballo inexcusable, polo que rexeita o papel de padriño da promoción. Lamenta moito non poder responder á nosa petición, que considera unha honra. De todos xeitos quere transmitir o seu agradecemento por ter pensado nel.
Ante este rexeitamento pediúselle que fose o noso padriño ao segundo máis votado, con ampla diferenza tamén sobre os outros candidatos: Gonzalo Álvarez Jurado. Este respondeu favorablemente.

Segunda convocatoria de reunión

2008-01-14T08:28:00.000-08:00

Como xa se sinalou na entrada anterior, a baixa asistencia á reunión do día 9 de Xaneiro obrigou a unha segunda convocatoria para poder ter en conta a opinión de máis xente á hora de tomar as decisións.
A nova sesión terá lugar o Luns día 21 de Xaneiro ás 20:00 na Aula F da Facultade de Bioloxía.

Acordos da Reunión do 9 de Xaneiro

2008-01-10T02:45:00.000-08:00

Debido á escasa asistencia á devandita reunión (unhas 20 persoas), acordouse convocar outra con idéntica orde do día dentro dunha semana (cando sea concedida a aula publicarase a convocatoria) e gardar o reconto de votos dos asuntos tratados onte por respecto á xente que si asistiu.
As listas dos menús da cea están xa colgadas na vella Facultade de Filosofía para que vos apuntedes no que prefirades. Asemade deixaranse varios deseños de diplomas para que escollades tamén o que máis vos guste.
As decisións sobre os outros asuntos serán publicadas despois do reconto final tras celebrar a segunda sesión da reunión.

Nova reunión despois de Nadal

2007-12-24T02:24:00.000-08:00

A seguinte reunión terá lugar o Mércores día 9 de Xaneiro ás 20:00 na Aula F da Facultade de Bioloxía.
Entre outros asuntos falarase do cátering, o deseño do diploma, a elección do menú da cea e o idioma do discurso de alumnos.

Elección do Padriño

2007-12-17T08:55:00.000-08:00

Despois do escrutinio dos 77 votos emitidos, resultou elixido como padriño Mora, cunha puntuación de 83. Ademais foi o candidato que tivo máis votos positivos (55) e menos votos negativos (17).
En segundo lugar, e tamén destacado con respecto aos outros candidatos, ficou Gonzalo. A súa puntuación foi de 62 (47 votos positivos e 22 negativos).

Ingreso da reserva

2007-12-11T03:17:00.000-08:00

Os que teñades xa claro a asistencia ao acto podedes ir facendo un ingreso de 5€ para facer a reserva do Auditorio na conta de Caixa Galicia (a nome de Paso de Ecuador de Bioloxía) co seguinte número:

2091 0151 83 3000067312

Poñede como asunto o voso nome e apelidos seguidos de "reserva".

Discurso de alumnos

2007-12-11T02:40:00.000-08:00

A persoa máis votada para dar o discurso dos alumnos foi David Villar.
Tiveron boa representación María Touceda (moitos á vez que David) e Antonio Brigos.
Tamén foron votados Laura, Fon, Rebe e Pablo.

Votos definitivos para o Padriño

2007-12-11T02:28:00.000-08:00

Os papeletas para votar aos padriños poden recollerse na fotocopiadora.
Estes poden ser cualificados coas puntuacións de 3, 2, 1, -1 e -2 (non se pode repetir cualificación). Se non se quere puntuar a alguén non é preciso.
Os votos han de entregarse antes do luns 17 ás 14:00 a Rebeca Tallón (Ambiental), Bárbara Teijeira (Mariña), Luis Vale (Molecular) ou David Villar. O reconto farase a tarde do luns.

Os candidatos que resultaron elixidos son:
-Aboal
-Blázquez
-Gonzalo
-Miguel Ángel
-Mora

Novamente Tito Varela quedou ás portas de resultar elixido. Quedaron en boa posición tamén Primitivo, Retuerto, Pulpeiro e Cobo.

Resultados Reunión 10 de Decembro

2007-12-11T02:17:00.000-08:00

As decisións tomadas na reunión de onte son as seguintes:

- O lugar definitivo da cea é Os Robles
- Saír no acto por grupos de amigos
- Invitar a todos os profesores ao acto
- Se non contesta algún dos profesores meter a un dos que se quedaron a un voto, escollido a sorteo.

Pídese colaboración a todos para buscar cátering, local para despois e para o deseño do diploma (consultar texto do mesmo a David Villar).

Listas varias

2007-12-04T04:36:00.001-08:00

Colocaranse na columna as listas cos que vos apuntastes a Orla, Acto e Cea.
Podedes corrixir, tachar ou engadir o que sexa necesario. O prazo de correccións será ata o Nadal.
Tamén existe unha lista para que se apunten os que queran participar nun agasallo para José Luis López (contribución de 2 € en principio, supeditada ao número de persoas que se apunten). Estas listas teraas David Villar.

Votos para o Padriño

2007-12-04T01:38:00.000-08:00

As votacións para a elección do Padriño faranse por escrito.

Para ilo entregarase un papel no que cada un pode expoñer os seus 5 candidatos. O prazo para facer isto rematará na reunión do luns 10 de Decembro.

Os votos podédesllos entregar a Rebeca Tallón (Ambiental), Bárbara Teijeira (Mariña), ambas nas fotos a continuación, Luis Vale (Molecular) ou David Villar, en foto anterior.

Cos 5 máis votados destes, elaboraranse unhas papeletas para que se lles califique.
No mesmo papel se porá tamén o candidato que se quera que lea o discurso dos alumnos.

Resultados reunión Luns 3

2007-12-04T01:11:00.000-08:00

Na reunión do Luns 3 decidíronse as seguintes cuestións:

- Incluír na orla ao secretario da Facultade, Javier Iglesias
- Invitar ao acto á Conselleira de Cultura, Ánxela Bugallo, á de Educación e Ordenación Universitaria, Laura Sánchez Piñón, e ao Director Xeral de I+D+i da Xunta de Galicia, Salustiano Mato
- Poñer unhas listas para quen quera contribuír nun agasallo a J.Luis López, que se lle entregará no acto
- Realizar a elección do Padriño mediante un sistema de dupla votación escrita (ver a entrada do blog ao respecto disto)
- Realizar, conxuntamente coa elección do Padriño, a votación do representante que leerá o discurso dos alumnos

Ademais, expuxéronse tres posibilidades para a cea (Os Robles, Hotel NH e Gran Hotel). Descartouse a posibilidade do NH e se pospuxo a decisión final ata o próximo luns, por se aparece algunha nova oferta interesante.

Novas reunións para o 3 e 10 de Decembro

2007-12-02T03:54:00.000-08:00

Convócanse novas reunións para os alumnos de fin de carreira para os luns 3 e 10 de Decembro. Desenvolveranse ás 20:00 na Aula 1.
Tense previsto que nelas se decida o lugar da cea de licenciatura, para o que se pide que a xente busque presupostos detallados (incluindo menús, horarios, e condicións da barra libre se é o caso).
Intentarase asemade desbloquear a elección do Padriño, e decidiranse outras cuestións menores sobre o acto de licenciatura.

Agradecementos dos profesores

2007-12-02T03:46:00.000-08:00

Cómpre trasladar o agradecemento que manifestaron a maioría dos profesores que serán incluídos na orla cando lles foi comunicada a noticia.
Amosáronse especialmente agradecidos profesores como Mª Luisa Areses, Oubiña, Celina ou José Luis. Tamén Elisa, a moza da fotocopiadora, pediu que se comunicase o seu agradecemento a todos os alumnos.
Especialmente colaborador para o que precisásemos se mostrou o profesor Reinoso.
Asemade, agás contada excepción, todos aceptaron de primeiras colaborar coa elaboración do orlín de bebés.

Resultados da reunión do Martes 27

2007-12-02T02:49:00.000-08:00

Na reunión do Martes decidíronse as seguintes cuestións:

- As fotos de carnet que nos darán coa orla faranse sen toga
- Incluirase na orla lugar de orixe e especialidade de ser posible, en caso contrario só se porá o lugar de orixe
- O idioma da orla será o galego
- As fotos da orla diporanse por orde alfabética

- O acto de licenciatura realizarase o sábado 5 de Abril pola tarde
- O lugar onde se celebrará o acto será o Auditorio de Galicia

Ademais tentouse decidir o Padriño da Promoción, pero as votacións acabaron en empate e non houbo xeito de chegar a un acordo, polo que a decisión quedou adiada.

Resultados das votacións da orla

2007-11-27T01:53:00.000-08:00

Despois do escrutinio dos 88 votos emitidos os resultados son os seguintes:
Os profesores que entran como máis votados de cada departamento son

Blázquez (Antropo)
Pulpeiro (Animal)
Primitivo (Bioquímica)
Javier Guitián (Botánica)
Miguel Ángel (Celular)
Aboal (Eco)
Antonio (Edafo)
Anxo Vidal (Fisio Animal)
Mª Luisa Areses (Fisio Vexetal)
Romalde (Micro)
Gonzalo (Xenética)

Ademais destes, entraron, entre os máis votados en xeral:

Retuerto (Eco)
Fátima (Celular)
Cori (Fisio Animal)
José Luis (Xenética)
Reinoso (Botánica)
Fran (Bioquímica)
Cobo (Animal)
Oubiña (Botánica)
Celina (Celular)
Marcó (Fisio Animal)
Mora (Animal)

Entre o persoal non docente, chega a ter tantos votos como algúns profesores (29) e por tanto entra na orla, Elisa, a moza da fotocopiadora.

Quedan empatados a un voto do último en entrar (Mora con 27 votos), e con 26 votos, Segura, Tito Varela e Paraños. Se non se conseguise a foto dalgún dos que entraron colleríase a un destes como reserva.

Reunión Martes 27

2007-11-20T04:19:00.000-08:00

O Martes 27 convócase a unha reunión na Aula 4 a todos os participantes no fin de carreira.

Os asuntos que se teñen pensado tratar son:

- Dar a coñecer os resultados das votacións sobre profesores que aparecen na orla
- Propostas e primeiras votacións do Padriño/Madriña da promoción
- Data do acto
- Posibles lugares para o acto
- Decisións sobre a orla (toga ou non nas fotos carnet, incluír especialidade ou lugar de orixe,...)

Listas de Participantes

2007-11-20T03:40:00.000-08:00

Están nunha columna no pasillo as listas para que se apunten os participantes na orla, no acto e na cea de licenciatura.

O feito de que vos apuntedes non implica ningún compromiso de asistencia, pero si axuda a organizar, xa que saberase con canta xente se conta aproximadamente para buscar lugares e prezos e negociar.

Grazas por colaborar e apuntarvos!

Fotos Orla

2007-11-20T03:19:00.000-08:00

Xa están en Conserxería as listas cos horarios para facer as fotos da Orla no primeiro turno.

Os turnos que hai son do Luns 10 ao Venres 14 de Decembro e do Luns 14 ao Venres 18 de Xaneiro. Podedes facervos fotos en ambos turnos.

Se non estades satisfeitos coas 4 fotos que vos farán, podedes pedir que vos fagan outra proba uns días despois.

As fotos de grupo cos amigos non se fan nestes prazos, senón no segundo cuadrimestre.

Se coñecedes a alguén que estea de Erasmus ou Séneca e non poida ir nestes prazos dádelle o nome a Luis Vale ou David Villar para que falen co fotógrafo, e poderán ir cando veñan por Nadal.

Votos Profesores

2007-11-20T03:11:00.000-08:00

Lembrade entregar o voso voto a Luis Vale ou David Villar (ver foto) antes do Luns día 26.
O escrutinio realizarase ese día ás 20:00.
Os que aínda non votastes non esquezades ler ben as instrucións!!

Inauguración

2007-11-20T02:52:00.000-08:00

Esta é a primeira entrada do blog de Fin de Carreira de Bioloxía 2007.
Aquí iremos informando sobre as novidades con respecto á organización de Orla, Acto e Cea.
Todas as convocatorias e decisións se irán colgando puntualmente neste espazo.
Para dúbidas ou suxestións é mellor que mandedes un correo ao seguinte enderezo: bioloxia007@gmail.com, xa que será respondido con máis seguridade que os comentarios que puidésedes deixar aquí.